點解會咁．．

喊左成晚，無乜點訓過，到左今朝起身都仲喊緊．．



對我黎講真係好大好大既打擊
我同我妹妹由細到大感情都好好，咩都一齊做，衫又一齊著，甚至連大家搵到既錢都一齊用。佢D朋友成日都取笑佢，"你係咪同你家姐拍緊拖架？" 哈哈，我細妹真係答佢係，連我堂家姐見到我地用埋一模一樣既電話都"睇唔過眼"問：你地D感情真係好成咁？

其實知道個刻真係好shock，繼而知道自己係比佢朋友更遲知道個刻腦袋係空白一片，好唔開心，心諗點解我事前乜都唔知，點解唔同我講?
個程車好似坐得特別耐，個腦係混亂，完全唔知自己諗緊D咩，淨係好想喊，但一邊又諗點解要喊？妹妹拍拖應該是開心事呀，我應該要祝福佢！


後來發現完全係因為自己既自私

一直以黎，妹妹想做咩去邊度，我地都會一齊做一齊去，佢都會一樣咁陪番我，而家妹妹拍拖了，咁咪即係多左個人同我爭？
自己D朋友全部走哂去外國，可以談心既只有兩位留在香港，之前一直都係妹妹陪我，好似一位好好既朋友咁，我有咩開心唔開心都會同佢講，當然感情問題都一樣，佢有份鼓勵我表白呢！所以今次佢隻字不提，之後好似循例通知一樣咁同我講個刻，我心真係痛到比石頭掉落黎一樣．．．難道我咁唔值得你信任？


禽晚想左一晚，為佢好，都為我好，決定左以為都唔會黏得咁埋，比D時間空間佢同佢男朋友，雖然我會更加寂寞，好似無左一個好朋友一樣 (講真，見到自己妹妹sweetsweet自己都有點不是味兒) 但一定要去適應，我唔想佢個男朋友投訴我。再者，自己都想檢討下，已經同細佬關係差，點解連一個自己一直咁痛錫咁信任既妹妹都會咁對自己，我係咪真係有問題，唔識做一個家姐？


朋友們，你地又覺得我咁做好唔好？:' (